senzokhaya umhayi
senzokhaya umhayi Poems
Uze umhayel' izinkondl' ezimnandi
Kowethu umhlaba thina simazi njengembongi,
Ubehlala ebhala njalo ehay' inkondlo,
...
Nhiziyo yami usuyokophela ngaphakathi,
Konke kwakubekiw' ukuba kuyophela,
Namanxeba ngiyethemb' azophola,
Nezinyembezi zizogelez' okomay' okungegazi,
...
Khala Nhliziyo yami uzithulise,
Akusasizi ukukhala ngoba usethule,
Soze kwanginceda ukuqandula ngoba isidumbu sakhe sesiphumule,
Nomphefumulo wakhe usuphumile,
...
Ntokazi yakwazulu
Angizidele amathambo ngithathe lelithuba,
Ngicele izwi kuMdali ngihaye nganasi isimomondiya,
...
Sthandwa sami sokuqala
Phambi kwesiphambano seliba lakho ngiguqile,
Inhliziyo yami izokwelila nami njengoba nami ngizilile,
...
Ngimbonil' ufikil' uhambile.
Uthando lungenzile,
Ngikhumbula lawo malanga ngisemncanyana,
...
Ewu kodwa bakithi ngathi sengikhohliwe lapha
uthi ngisathandwa nje kodwa,
uthi kuseyimi umanqoba kulenhliziyo,
ngaze ngafa inkumbulo,
...
Ake ngivuke ngihlome ngihlasele,
Ngikhahlel' ingubo ngitshakadule,
Ngiphume ngiye hlane ngiyovundulula,
Ngipheke ngithulule osekuvuthiwe,
...
Underground poet
Ibhadi lezinkondlo zami,
okanye isandla sami asibhali siye sithinte emanonini abo
...
Ngizokulinda ubuye
Ngifona ngisemafonini ezitolo lapha engangivame ukukufonela khona uma ngisuka eskoleni,
Ngifona ngeshumi lami lokugcina,
...
Dear Voicemail by Senzokhaya umhayi
Sthandwa sami sase mnqamlazweni,
Emazweni lapho ezintabeni,
...
Mama ngisenguye owakho
Ngisakhasa ngingena ezintangeni,
Ungithatha ungibeka emathangeni,
...
Lapho ngilele ngicambalele ngesisu ngithe cubalala,
Ngibalekele ilanga emnyango elibalele elomisa amalala,
...
Zulu oMjukwana kaNdaba,
Nginimemeza emajukujukwini,
Nginivusa emaphusheni nginiphephetha amehlo nganal' usiba,
Nasi isizukulwane senu sizidika sizigwaza ngowaso,
...
Ezweni sekuthulekile phakathi kwamabili,
Phakathi ezindongeni zendlu yokuzikhulula,
...
Yebo ungibonisile.
Ungivule amehlo wangibonis' impilo,
Bengihamba ngigxumagxuma wangikhuba ngawa ngabhadalala ngesisu,
...
Thando unjani.
Ukube uthando lunjengempahla,
Bekuzothi lapho sesihlukene nobethandwe inhiziyo,
...
Ngivumele ngihambe.
Emhlabeni ngifikile njengelanga,
Ngaliphila ixesha lami njengasekuseni kuya emini,
...
Nkosi sikhuleka kuwe ngomthandazo,
Siguqe ngamadolo sahlanganis' izandla savala amehlo sabheka phezulu,
Izinyembezi ziyahlengezela ngenxa yokuhlupheka esikubonayo,
Sindlala lomthandazo phambi kobuso bethu,
...
Ngisemendweni Kulomuzi ngiganile,
Lomendo ngawuthola ngisewu m'vumbu wentombazanyana,
...
senzokhaya umhayi Biography
I am young poet from Mtubatuba, I am inspired several poets like Bongani Mavuso, Mzwakhe Mbuli, Sbo Da Poet etc, I started writing poems in 2009 but I took it more seriously in 2012, I am still looking forwad to publishing more of my poems country wide, I write Zulu and English poems... uSenzokhaya Umhayi igama nje elisentshenziswa ezinkondlweni kuphela. Igama ngokwe ncwadi kamazisi uSenzokhaya Sipho Mhlongo, Uzalelwe wakhulela eMtubatuba wafunda eMasibonisane. Ungumbali ozimele kulo mkhakha. Okwamanje usashicilela incwadi yakhe yokuqala yesihloko esithi: Ukwentshisa kwebhobhodleyana. Lomlisa uzalwa nge 30 zika Ntulikazi ngo 1991. ibhungu nje elisakhula futhi elisafunda ngezinto eziningi zempilo. Izinkondlo zalo zikhuluma ngezinto abantu abasha abahlangabezana nazo lapho besakhula empilweni. imininingwane yakhe imi kanjena; email address: senzokhaya.umhayi@gmail.com amadownloads ezinkondlo: www.kasimp3.co, za/senzokhaya noma ulendele @senzokhaya ku twitter)
The Best Poem Of senzokhaya umhayi
Umhayele Izinkondlo Ezimnandi
Uze umhayel' izinkondl' ezimnandi
Kowethu umhlaba thina simazi njengembongi,
Ubehlala ebhala njalo ehay' inkondlo,
Ubumthola ekhoneni ehleli nephepha nepeni ebheke phansi,
Ebhala inkondlo engaconsi phansi,
Ubengafuni ukukhulunyiswa nokuphazanyiswa laph' eloba,
Ehlezi engamathe nolimi nephepha,
Yena nosiba bekuyizithupha ziy' ogwayini,
Uma engabhali uzomthol' ezivele emahontshini,
Ehaya inkondlo yakhe yothando,
Ekhuluma ngengelosi yothando nobuhle bendalo,
Okanye ekhuluma ngomhlaba nokugcola kwawo,
Ubebhala kamnandi ehaya kamnandi nabantu bemthanda,
Bezithamela izinkondlo zakhe,
Bemlalela laph' ehaya,
Abanye bebekhala laph' ehay' inkondl' ethi sithandwa sami,
Lapha akhona mhlampe namanj' uyahaya,
Mengahayi ngicel' ingelos' yezul' ize imhayel' inkondl' ezimnandi,
Ubethi laph' ezohaya eqale ngomthandazo,
Ethi Nkosi sikhuleka kuwe ngomthandazo,
Siguqe ngamadolo sahlanganis' izandla sabheka phezulu,
'Izinyembezi ziyahlengezela ngenxa yokuhlupheka esikubonayo,
Sindlala lomthandazo phambi kobuso bethu siyizimbongi siwuthumela kuwe,
Nkosi ibanathi kuze kube sekupheleni, '
Egqoki isiphamban' esakhiwe sabazwa ngogodo,
Sabiyelwa ngobuhlalo obumnyama nobunsundu,
Ebhala ngolimi lwesiZulu,
Ezithanda ezamaciko ewahlonipha namasiko abansundu,
Elandlela ophezulu weZulu,
Nabaphansi ubengababukeli phansi,
Ngob' uMdali ubembeka phambil' ehlabela namadlozi,
Ezinkondlweni ngiyamcelela ukuba eyoba idlozi,
Ezulwini ngiyamcelele bawo umenz' ingelosi,
Nkosi ephezulu ngikyakucel' uze umcelele izingelosi,
Kuba zimhayel' inkondl' ezimnandi,
Bengithanda ukumlalela,
Njalo mengimbone endlelen bengimcel' ukuth' engihayel' inkondlo,
Sihlale phansi kwesihlahla ngimunanele,
Lapho eqala eyikha phezulu ehla nayo ngezigaba zamabinza,
Efanisa engathekisa edlalis' izaga nezisho,
Ephicaphic' impilo ngeciko,
Ejula ngothando ethinta emanonini,
Ekhumbuza abafelokazi ngabayeni babo abaswelekile,
Eduduz' abalahlabekile,
Ekhuthaz' abalahl' ithemba,
Ekhale njalo ngokufa nangezifo zomhlaba,
Ehlaba egxeka ehlikiz' ukungahloniphi ngontanga,
Namhlanje izwe ulishiyile,
Izulu limthathile,
Ngiyakucela Nkosi uz' umcelel' bemhayel' inkondl' ezimnandi,
Ngimcelela kuwe Mdali,
Umvulel' amasango ezulu,
Umvumel' ehaye naye uma ecela,
Umuphe usiba nephepha ebhale um' ezokhona,
Laph' akhona ungamuphuc' ikhono lokubhal' inkondlo,
Umkhuthaz' ukuba eqhubek' ehaye,
Sohlala simlalele ngamadleb' enqondo,
Simbona njalo nangamehlo enqondo,
Siyethemb' unawe emadlelwen' aluhlaza,
Ngiyathemba uhlezi eduze kwakh' ezulwini,
Ngiyethemb' izono zakhe uzithethelele,
Uma engakafik' ngisacel' umvulele egedeni,
Umngenis' iZulu,
Umcelele bemhayel' inkondlo ezimnandi,
Bengith' nami ngimbhalelile inkondlo,
Bengifun' ukumhayela eyizwe esasezweni,
Kepha ngithe ngisayiloba ngingakayiqedi yena wasweleka,
Ngagqemek' ingoz' enhlizwiyeni ngingasamhayelanga,
Akasangibonanga ngiqephuza ngimdlalela ngenkotha,
Angisalitholang' ithuba lokumzwis' ikhono angifundise lona,
Angilifumang' ithuba lokumhayel' inkondlo angiphe yona,
Ngiyamaz' uyazithand' inkondlo ezimnandi,
Nginethemb' useyibhalile inkondlo ngobuhle nobukhazikhazi bezulu,
Nakuye ngiyamucela ukuba efike ezongihayela yona ngephupho,
Bese kuthi kuwe ngelosi eyimbongi phezulu eZulwini,
Ngikucela uze umhayel' inkondl' ezimnandi,
USenzokhaya Umhayi.
senzokhaya umhayi Comments
CREATIVE AND SIMPLY ENLIGHTING THE THOUGHTS AND FEELINGS ABOUT EVERY SITUATION HE WRITES ABOUT SIMPLY THE BEST
ola nkunzi yam. ngiyawubona umsebenzi wakho muhle kakhulu. qhubekela phambili mdoda. big up!
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
10/28/2025 4:36:11 AM # 1.0.0
Uyabheda slhama sakho didi lrnja