Ziyolashwa Ngabanye Poem by Cebolenkosi P. Mkhize

Ziyolinyazwa ngabanye zipholiswe ngabanye

Kukancane oyilimazile kube ngoyilaphayo.
Oyilimazile imvamisa uhlalela ukuyithuka
Uma lapho eyibona Iya ngasekupholeni.
Uma kwenzeke wazama ukuyithoba
Akayithobi buthule kepha kubanomsindo
Oyovusa iminjunju iqhubeke ibhibhe ingapholi.

Okulimazile Ke! Kukancane ukuba aphenduke
Umhlengikazi ozokuhlenga, kunalokho
Uphenduka inhlekabayeni ezakukuhleka
Ayeke ukukuhlenga ngakho qaphela.
Ungavumike! ukukhohliswa zindebe zokulimazile
Vula amaqaphelo kuze umqaphele.
Angaze akuphinde engeqiwa ntwala.

Eyami ke inhliziyo Ike Yakima ilinyazwa obephakathi
Wayilimaza wayiphindelela phela wayeluma,
ephephethe okwegundane, nami ngenxa yenkungu
Inkungu eyayingibhuzele umbuswe bami, kwenza
Inhliziyo yami yagcina iravazekile isivuza .
Kungasahlaleki kuyo qede waphuma washiya
Nezimbobo izingangokuthi oyongena zizakumnetha.

Kumanje ke! umthwalo usungowongenile kuyo
Ukubaqale apheshe lezimbobo akhiphe,
Nemicibisholo ayishiya eyigwaze ngayo,
Qede athobe amanxeba avulekile .
Naye ukuze akwazi ukungena ahlale anethezeke
Isthembiso sakhe asthembisile ke isona esingenze
Ngawuvula lomnyango walenhliziyo noma kubenzima
Ngoba nengidi ebiyikhile ibislale irusti .
Kwaze kwabeka nezigqebhezana phambikwayo
Ezibhalwe The Roads comes to an end.

Eyami inhliziyo bese kungeyokukhiqiza igazi qha!
Ikamelo lothando beselivaliwe kuyo laze lacishwa.
Kephe sekukhona ocele ukungena kulo ahlale
Uthe yena angeke aphenduke umhambuma
Kepha awubona umpheme wokuphumula.
Ongahlali muntu.

Ungene esephethe ibhakede eligcwele amanzi
Washo phansi ngedolo wadonsa iskolobho
Washo wayikhuculula ukuncola wayihosha imcibisholo
Wazithoba nezilonda ebezibhibha ezithobile.
Ngezwa umoya omncane uheleza phakathi
Ngabona ihlasi ebisiya ngokulotha iqala yokhela
Laqala nelothando ikamelo lakhanya

Kwazwakala iphunga lamakha amnandi
Aphuma ngaphakathi elokubola lashabalala
Zaqala izihlathi zahlehla zavakashela izidlebe
Zaqaqeka izingcingo ebezibophe elomhlathi
Lavela 'Lelo' wayikhukhumeza ihliziyo

Ayman Lelo! Kamel lafudumala.
Kwaqhuma uhleko ulugcwele uthando
Zehland izihlathi kontaba kayikhonjwa
Aphuma amagwababa achobana.
Lena owathi uzoyixoxela amagwababa echoban.
Usingayixoxa ngiwabonile echobana.
Yaphola ipholiswa owazifikela waba ngumhlengi
Qede saphenduka abahlingikazi sobabili
Nami ngamhlenga.
CEBO Mkhize