Wo Ek Mulakat Jo Adhuri Rah Gai Poem by KAVITA SINGH

Milne ka vaada tha uska
Kha tha aaunga bade siddat se tujhe chahunga
En aankho ne na jane kitne khwab sajaye the
Raatein jaag jaag ke intejar ke shama jalaye the
Phoolon se kuchh khusboo chura ke Maine apne gajre me lgaye the
Gulab ki pankhudiyon se rang leke hontho pe sajaye the
Kaano me chand ki baliya latka rakhi thi
Paon me ghungharu ki ek pajeb ne pure ghar me shor macha rakhi thi
Mathe par uski pasand ki ek bindi saja dali thi
Hathon me hari chudiyon ne khank khanak ke mujhse hazar sikayte kr dali thi
Apni saree ke palu ko uske pyar ki khushbu se mahka rakhi thi
Andheron se kuchh jugnoo udhar le ke roshni ke chand diye jala rakhi thi
Uske intejar me Maine apni palke bichha rakhi thi
Wo sham dhalti gai aur fir kaali raat aa pahuchi
Main darwaje par baith ke uski raah takti rahi
Chand ne bhi mujhe dekh ke muh mod liya
Hasta hua mere samne se gujar gaya
Subh chidiyon ki chahchahat sun ke ye ehsaas hua
Ki apni wo mulakat ki raat toh adhuri hi beet gai
Na tum aaye na hi koi paigaam aaya
Bas aankho me aansu aur dil me ek tufaan aaya
Wo ek mulakat jo adhuri rah gai