Wetin Concern Us For Pennsylvania? (Poem In Nigerian Pidgin English Language) Poem by Chidi Anthony Opara, FIIM, CDOA

By Chidi Anthony Opara

We dey inside moto park for Naija
Dey mussle our way,
Dey hussle,
Dey para,
Dey pussle
Di way our politician dem
Dey take us play ping pong.

After hussle,
We go go chill,
We go go shake bodi,
We go go shayo.

Wetin bi dis one
Wey bi say
We no go hear something again?

Everywhere now
Na Pennsylvania bi di talk.
Everywhere now
Na Trump talk say for Pennsylvania,
Na Kamala talk say for Pennsylvania,
Na wetin! ?
Pennsylvania dey for America,
Here na Naija,
Wetin concern us for Pennsylvania?

We no dey live for America,
We dey live for Naija.
Make our government give us
Wetin we go take survive for Naija,
Wetin concern us for Pennsylvania?
Nothing concern us for Pennsylvania.