Thaetša Poem by Paris Thulare

Bontšhi ba Lena le filwe maina a Borakgolo le Momakgolo-khukhu,
Bontšhi ba Lena le nywetšwe efela go bo ima kudu.
Bangwe le rutegile go feta bo-kgobapuku,
Bangwe le tšwa malapeng a setšo, e fela le tšhumile dituku.

O itoma leleme, pelo e kobegile,
Ao bolediše meloko le metswalle ore ba go loile,
Efela waitebala gore o kgohlotše lesana la go ithlokela molato wa se bege.
O nyetšwe, wa nyalwà gape,
Wa hlokofalelwa, kilelo ekae?
Ontšheditšwe magadi, wa iphetola mphenyašilo
Wa ipotša ga wena odišebile.

Lehono e tebelele gore okae?
Ohloka sagago, bagwera ba apere dithai.
O ikgonere, madimabe atla jwalo ka bo nkabe.
Ruri! Ruri! o felela kae?

Jwalo thaetša ngwana mobu,
Ase boloi badimo ba kwatile.
O phošo, amogela.
O ka sebe le Mokgadi thapama,
Mantšibua wa lora noga e go Loma,
Iphahlake.
Okase llele go tshepa motšwa-asepela,
Mola ditorong otlela ke bo Rakgolo le ditaola

O hloka go kgopela tshwarelo,
O yo hlapa lefifi le boganka, tšeo di go tshwerego ngwanaka.
O gotše wa begwa,
Efela lehono obona go begela ngwana wago ele bošilo.

Ntshepe ke go botša la bofelo,
O hloka go bowela maruping, o kgopela tshwarelo.
O ngwana wa mobu tlogela ditshelo,
Gaele metsetsanko le megabaru ga dina bofelo.