Telugu Poem ఇక శెలవు Poem by Srininivas Reddy Paaruvella

ఇంకెంత దూరం అనుకున్నప్పుడల్లా ఇంకొంతేనని
ఇంకెంత కాలం అనుకున్నప్పుడల్లా మరో నిమిషమేనని
మభ్య పెడుతూ మన మధ్యే తిరిగిన గాలి
ముఖం చాటేసి ఎందుకు తిరిగిందో..!

పూల రెక్కలు రాలి పడ్డాయెందుకో
నవ్వుతూ నవ్విస్తూ నవ్విన పువ్వు
నలిగిపోయిందెందుకో...! !

నా మీద నాకు జాలి తప్ప
నేను దాచుకున్న గులక రాళ్ళ గుండెచప్పుడు
నీ దాకా చేరనందుకు బాధ లేదు...! ! !

చెప్పేటప్పుడు నా నాలుక
వినేటప్పుడు నీ చెవులు
మోయలేని ఒక బరువైన మాట
'ఇక శెలవని' నీకెలా చెప్పాలో అర్థం కాదు..! ! ! !

పారువెల్ల