Tanging Yaman Poem by Grace Svensson

Marami ang nagsisikap
Na maabot kanilang pangarap
Butil-butil na pawis ang tumatagaktak
Upang magkaroon, kapangyarihang malawak

Gutom at pagod di inalintana
Hangin at ulan kanilang sinala
Gabi at araw kanilang tinahak
Araw, buwan at taon kanilang sinindak

Ngunit ano ang mapapala
Sa kapangyarihang minumutya
Ikaw ba ay magiging maluwalhati
Sa kabi-kabilang sidhi

Puso mo ba ay mapupunan
Ng mga maliligayang araw
O magiging alipin lamang
Nitong tanging yaman.

Copyright © Grace Svensson
January 28,2018