- مەزهەبی ئاو- Poem by Soran M. H

- مەزهەبی ئاو-
……………….
لە زەمەنی لایەنگیری و پەتا و بەڵا
وتیان:
بۆچی ئاو بێ ڕەنگە؟
کەچی ئەو هەموو ڕەنگانە
بە گەڵا و گوڵان و ژیان
دەبەخشێ
وتم: ئەگەر ئاو بەند نەکەن
بۆگەن نابێ.
لێی بگەڕێن،
خۆی ڕووگەی خۆی
پێ دەزانێ.
لەگەڵ خۆدا
دڕك و پووش و چڵکنیەکان
بەرەو زەریای بیرچوونەوە
ڕادەماڵێ
*
جارانێکیش
سپی و ڕەش پێیان دەگوتم
من بێ ڕەنگم،
بۆیە لێیان بەجێماوم!
وتم: ڕەنگە
هۆکەی بە تەنیا ئەوە بێ
من لەسەر مەزهەبی ئاوم
***
This is the Translation of my poem:
'Water's Doctrine'