Sara Teasdale 36 - യുദ്ധകാലത്തെ വസന്തം Poem by Unnikrishnan Sivasankara Menon
Sara Teasdale 36 - യുദ്ധകാലത്തെ വസന്തം
യുദ്ധകാലത്തെ വസന്തം
This is a translation in Malayalam of the poem "Spring In War Time' by Sara Teasdale
അകലെ, അതിദൂരത്തെവിടെയോ
വസന്തത്തിന്റെ സാന്നിദ്ധ്യം ഞാനറിയുന്നു,
പൂമൊട്ടുകളുടെയും ഇലകളുടെയും
അകന്ന നേരിയ സുഗന്ധം.
പൂക്കാലത്തിനെങ്ങിനെ
ധൈര്യം സംഭരിക്കാനാവുന്നു
വ്യസനാകുലമാം ഈ
ലോകത്തിലേക്ക് വരാൻ-
കൊടിയ വ്യസനത്തിൽ!
ഉത്തരായനകാലമായി
പകലിന്ന് നീളമേറുന്നു, ഏറെ വൈകി
സാന്ധ്യതാരത്തിനു തിളക്കമേറുന്നു
പകൽവെട്ടത്തിനിത്രനേര-
മെങ്ങിനെ തങ്ങിനിൽക്കാനാവുന്നു
മനുഷ്യർക്ക് യുദ്ധംചെയ്യാൻ-
ഇനിയും യുദ്ധം തുടരാൻ?
പുല്ലുകൾ നിലത്ത് മണ്ണിൽ ഉണരുന്നുണ്ട്
വേഗം തന്നെ അവയ്ക്ക് ഉയരം വയ്ക്കും
എന്നിട്ട് കാറ്റിൽ തിരകൾപോലിളകിയാടും,
ഹൃദയത്തിനെങ്ങിനെയാവുന്നു
ഉലഞ്ഞാടാനവയെയനുവദിക്കാൻ
ശവക്കുഴികൾക്കുമേൽ-
പുത്തൻ ശവക്കുഴികൾക്കുമേൽ?
ആപ്പിൾ മരച്ചില്ലകൾക്കുകീഴെ കാമുകർ
ഒത്തുചേർന്ന് നടക്കാറുള്ള വഴികളിൽ
ആപ്പിൾപ്പൂവുകൾ സുഗന്ധം ചൊരിയും,
പക്ഷേ, ആ പ്രണയികളുടെ കാര്യമോ
മരണത്താൽ വേർപിരിക്കപ്പെട്ട ഇണകൾ-
ചാരവർണ്ണമായ മരണം?
Dillipji has requested me to share the English Original version of this poem. This is a translation in Malayalam of the poem 'Spring In War Time' by Sara Teasdale
Poet Sekharan Pookkatt wrote " കാത്തിരിക്കാനാരുമില്ലെങ്കിലും കനൽ പൂക്കട്ടെ ആപ്പിൾ മരങ്ങൾ സുഗന്ധം വിണ്ണിൽ ഒഴുകട്ടെ"
This poem has not been translated into any other language yet.
I would like to translate this poem
Delivering Poems Around The World
Poems are the property of their respective owners. All information has been reproduced here for educational and informational purposes to benefit site visitors, and is provided at no charge...
7/30/2025 6:11:53 PM # 1.0.0
I am unable to understand Malayalam but I think you must have translated it well. Could you please give us a English version of the original work?