Sa Aking Pagtulog Poem by Grace Svensson

Sa aking pagtulog, sa gabing madilim
Ako nawa ay mahimlay ng mataimtim
Araw na nagdaan
Pansamantalang limutin

Mga butuin na maririkit
Langit na kaakit-akit
Ang syang maging bubong
Sa aking paghimbing

Mga suliranin
Wag munang isipin
Pagpapahinga ay tanging damhin
Sa pagtakip ng dilim

Ako ay basbasan, puong Maykapal
Sa buong gabi, ako ay iyong ingatan
Gisingin sa kinabusan
Na me bagong pag-asa at ngiting mahal.


Copyright © Grace Svensson
January 28,2018