मोननो हाया हाया मोननो लुबैयो गासैखौबो Poem by Ronjoy Brahma

नोंखौ माबादि देरायाव दोननानै गोजोन होनो हाबावगोन
बबे जायगायाव बेरायनो लानानै थाङोब्ला
नोङो गोजोननाय मोनबावगोन
सानबाबो सानख'नो हालिया

गोदोनि मानसि नङा नोङो
जौ गरथसे, बोथिसे ओंखाम मोनजाबानो
थुरि न'नि सिङाव गोदो गोदो उन्दुलांनो हाग्रा ।

बादायलु मुगानि बादायारि नोंबो सासे
आमेरिकानि मुं खोनाबानो आमेरिका थांनो लुबैग्रा
उरां गाबनाय खोनाबानो उरां गाखोनो लुबैग्रा
हाजोनि थिखिनि नुहरबानो थिखिनि मोनहैनो लुबैग्रा

अर दं नोंनि उदैयाव
ब्लाव ब्लाव जोंगासिनो थायो सानखि हर
उखैनायनिख्रुइ लुबैनायखौसो बांसिन फोजागासिनोथार बे अरआ

जोबोद समायना नोंनि गोसोआ
मोननो हाया हाया मोननो लुबैयो गासैखौबो
नाथाय बे समायनानिख्रुइ गिलुबालुसिन माथो दंबावो