गासैबो गोसोनिनो बाथ्रा Poem by Ronjoy Brahma

जोंखौ उसु-खुथु खालामग्रा होननानै बुङोब्ला जोंनि गोसोआनो
जोंखौ सिगिग्रा होननानै बुङोब्लाबो जोंनि गोसोआनो
जोंखौ दावगालांबाय थानो होग्रायाबो गोसोआनो

गोसोआनो सिगां फारसे लानानै थाङो
गोसोआनो जायगा दाबसेयावनो दलरबो दोनबाय थायो
गोसोआनो उन फारसे लानानैबो थांफिनो
गासैबो गोसोनिनो बाथ्रा

जेब्ला नोंनि गोसोआव सुखु गोजोन गासैबो जायगा लानानै दं
होमब्ला नों गासैखौबो समायना नुगोन
गोसैखौबो थिगैनो दं मोनदांगोन

जेब्ला नोंनि गोसोआव गोजोननाय गैया
नोङो मुलुग गिदिंनानैबो समायना नागिरनानै मोननाय नङा
माखौबा गोमानाय माबा गैया गैया मोनदांबाय थागोन
जिउआव माबा मोनसे गेदेर आंखाल नुजाफैगोन

नों जा मोन्दाङो
जा सानो गासैबो गोसोनिनो बाथ्रा