दिनै आं बे दैमाखौ बारलांथारनांगोन Poem by Ronjoy Brahma

जेब्ला आं गंसे दैमाखौ बारनो थाखाय दिङा नेनानै दंमोन
गांसे बिलाइ गोरान आंनि सेरजों गोजावलांदोंमोन
आखाय सोमाव सोमाव बियो आंखौ बुंहरदोंमोन-
नोङो मोजाङै था नोंहा सम दंबावो
आंहा समा जोबबाय
आंनि थाखाय साननांगौ जेबो गैया
आंखौ रैखा खालामनो थाखाय दावगाबोनोबो नाङा

नुहरनाय समसिम बिखौ आं दलर गसंनानै नायहरदोंमोन
समनि बाथ्रा आंहा गोसोआव गोग्लैयो
समा थांगासिनो दं गावनि गोसोबादि
आरो आं थालांगासिनो दं बिनि बेसेबांबा गोजानाव

सिबाय गोरान बिलाइ
गोरलैनिफ्राइ सिरिनाय समसिम बेसेबांदि गोलाव-
जारिमिन सुजुलांखो बियो
सोर रनसायना दोनदों बिनि जारिमिन सोर मिथिगौ

आंनि सेराव दैमा साजों फैनानै दिङाया गसंफैनायसै
दैमाखौ बारनायनि सम जाबाय
दिङारिया आंखौ बुंनायसै
माव बिबाननि थाखाय दिनै आं बे दैमाखौ बारलांथारनांगोन