नोंहा मावनांगौ गोबां खामानि दं Poem by Ronjoy Brahma

गाबनायनि सम नंलिया नोंथां
नोंखौ नोंनि लोगोफोरा गारनानै थांजोबबाय
फाग्ला जाबाय बियो होननानै
नोंनो साननानै नाय फाग्ला मानसिजोंलाय सोरथो थाफानो

मोनखानाय नंला होननानै मिथिखाथारबाय
थेवब्लाबो हास्थायनायखौ नागारनो हाया
आंनिल' बाथ्रा नङा
नोंनिल' बाथ्राबो नङा बेयो
मुलुगनि मानसिफोराबो बेबादि आख'-फाख'निफ्राइ बारग'नो हायाखै

दालाइ नागारनानै हायाव गोग्लैखाथारनाय बिबार
बेखौ खनखांनानै बिफांनि दालाइयाव थेबनानै होफिनबाबो
बेयो जिउ मोनफिननाय नंलिया

बोथोराव बारनाय बिबार
सिरिनाय बोथोराव सिरिलांफिनदों
दुखु खालामनानै माथो मा जाबावनो
मिथिंगानि नेमखान्थिफोरानो बेनोखा

नोंथाङा सिखार
नोंहा मावनांगौ गोबां खामानि दं
गाबनाय आरो दुखु खालामनायानो नोंनि मावनांगौ बिबान नङा