Qeyibdən Sığal Poem by Eysan Cabbarov

Məsafə yox olub düşün bir anlıq
Fikrim yollarda yox səndə cəmləşib
Dərdindən divanə olduğum varlıq
Əlində bir xəncər mənlə əyləşib

Görəsən o heçmi düşünmür məni
Etdiyin görmədən ölmür mü insan
Görmürmü saçımda ağarmış dəni
Salmır heç yadına, yoxdurmu imkan?

Hələdə vurğunam amma bilirəm
Yarımın gözləri mənçün tələdir
O deyir mən indi yadın biriyəm
Həyatın cəfası, işi belədir

Günahkar özünsən vəfalı yarım
Heç imkan vermədin tanıyım səni
Yadlara uyaraq mən mahnı yazım
Sevgim bir dəryadır, sən isə gəmi

Qəlbimlə qulağım ayrı səsdədir
Yəqin anlayırsan davranışımdan
Haqlısan deməkdə ki o xəstədir
Sənin tək gözələ heç qalarmı can

Səninlə hər şeyi qurmuşam xəyal
Yan yana durmuşuq eşq körpüsündə
Atacam özümü tərpənmə sən qal
Çəkəcəm üzünə qeyibdən sığal