O Nrata Jwang? Poem by Kwenadi Gaaje

O nrata jwang?
O thabela ho bona mefophodi a dikeledi marameng 'ka?
O ikotla sefuba ho nkenya tsietsing ya hoba wa hao wa lerato....

Hobaneng o sebedisa lentswe "Lerato" ho nkotla pelong ka lerumo?
Ke thabo pelong ya hao ho bona ke hlomohile maikutlo?

Thabo ya hao ke nyakallo pelong yaka..
O kgothala moyeng ho bona ke kgitla seboko?
Sello saka ke monyaka pelong ya hao?

O nrata jwang?
Ha thabo yaka e le thohako pelong ya hao?
Ho nkotla pelong ka mantswe a bohloko,
Ho sotla ka moya waka,
Ho mfetola setsheisa setjhabeng,
A' ke lona lerato leo?

Se leng pelong yaka lena lerato,
Yaka pelo e rotha madi,
Se bonwang ke yaka pelo,
Se sithabetsa se mahlo a ka a se bonang....
Ho baneng o sebedisa lerato ho nkutlwisa bohloko?
O nrata jwang?