Ntsikiditle… Wa Pelo Yaka! Poem by Kitso Mafora

Ntsikiditle! Ntsikiditle!
Ha! Ha! Ha! Ha... Mokgotse wa ka, lentswe la khutšo!
Ge lefase le nkwela godimo, o a ntshwaraganya,
Bjalo ka rojana la bupi leselong, o ntšholla leuba ka lerato.

Ge matswalo a nkga mpswi,
O tla bjalo ka pula ya medupi,
Pula ya dikgomo le batho—yeo e hlatswago komelelo ya ‘fase le!
Wa re: 'Pula e a na, e sa nyake moriti.'

Tshegišo ya gago, ke seetša maribaneng a fahlego saka,
E phadima godimo ga maru,
E phadima e se na dikgopi—e le seetša sa tsela!
'Motho ke motho ka batho.' Ka nnete o sehlare sa ba bangwe.

O hlase ya seetša, kgatlamping ya leswiswi,
Seetša seo se pudišago moya wa ka,
O na le dikgato tše bonolo—wa re: 'Mošomo o botse, o bonwa mesong.'
O phumula pelo ya ka yeo e gakanegilego.

Ha! Ha! Ha! Ha... Ntsikiditle, morw'a-mokgalabje!
Ge ke feletšwe ke maatla, ge ke lahlegelwa ke kholofelo,
O tla ka bjako, wa tla ka bjako la pula ya medupi,
Wa rotha bjalo ka dikeledi tša khutšo—tša boiketlo!

Lentšu la gago ke sereto sa magodimo,
Ke modumo wa maatla, bohlale le kholofelo,
Ke sedibana seo se tšwago lerageng,
O re: 'Sebata se se šetšego se šiilwe ke meetse.'

O nthobela lešoko,
Wa nkgokarela bjalo ka monna wa bogwera, yo a sa gomelego morago.
Lerato la gago ke sehlare sa moya,
Le ge lefase le ka nkahlolela—wena, mokgotse wa ka, o a tia!

O mphošolla, bjalo ka tšhwene yeo e boelago lehlakeng la yona,
Tšhwene yeo e sa lebalwego, ya lerato le sa felego,
O nthata bjalo ka motswedi wa meetse,
Wa re: 'Lerato ga le na leihlo.'

Ge ke wela godimo ga lethebele,
Aletare ya mathata le kgakanego,
O a nkuka! Ka lerato la nnete o a nkuka!
Ka lentswe la mmamoratwa yo a sa fapogego.

Ntsikiditle! Ha! Ha! Ha! Ha... Mokgotse wa ka wa kgale!
Ke go reta ka mantšu a bagologolo,
Ke go opelela ka lašoko la pelo-mafiša,
Ke go rapela ka sefahlego sa lehu le sa fihlego!

Kere, Ntsikiditle! Mokgotse wa ka!
'Tšhwene ye e sa lebalwego, ke yeo e gopotšwego ka lerato la nnete.'