Mphatlalatšane - Seetša Sa Kholofelo Poem by Kitso Mafora

Mphatlalatšane, leitšibolo la masa,
O phadimiša mahlo nakong ya ge lefase le sa potuma,
O goa mogoo ka setu, o sa fele pelo—
O tliša kholofelo, o rulaganya mahube a meso.

Ka ‘etša sa gago se bonolo, o phatlolla leswiswi ka borutho,
O hlatswa meokgo ya pelo ka khutšo yeo e se nago medumo,
Ka kgoketšo ya sedi la'go, o re gopotša gore bophelo bo sa le gona—
Le molete-mohlaela-thupa, lehlogedi la tsogo le gona.

Mphatlalatšane, o na le pono le ge re sa bone,
O homotša poifo bjokong ka leihlo la gago la kgothatšo,
Mošito ka mošito, o aga motheo wa potego le bokamoso,
Wa re rotošetša mahlo gore re bone legodimo le lefsa.

Moo bokamoso bjo phadimago bo dutšego gona,
Ditoro di a tsoga, ra se sa itshwara dinoka le diledu,
Leetong la bophelo, wena o re hlahla ka bohlale—
Ra tsetela maoto a rena fase, ra swara tau ka mariri.

Mphatlalatšane, re leboga bone la'go—
Gobane ka wena, re ntšhetša bokamoso kgokolo tša mahlo.