Mosadi-Sadi: Ditsebe Tša Lerato Poem by Kitso Mafora

Go swana le difihlolo tša la'nkhono bosele,
Ditsebe tša gagwe di betlilwe ka seatla sa gagwe se boleta.
Bona bare "Setšhaba se agwa ka kutu ya molomo",
Fela ge e le yena o theetša pel'araba,
Ka ge tsebe e sa swane le leleme.


Ga di ikgantšhe tša'gwe ditsebe, di swara seriti sa gagwe,
Ka ge Leho le le sa theetšego le fišwa ke mollo.'
Di kgomaretše felo ga khutšo, moo moya wa lerato o dulago gona,
Kgaufsi le dipounama, tlase ga moriti wa dikoti-marameng.


Mabenyane a a ikgantšha ka phadimo ya wona, fela:
'Sereto ga se fete semelo sa motho, '
Ga go selo se ka fetang boleta bja tsebe tša'gwe,
Se theeletša dipelo tšeo di fokolago.


Ditsebe tša'gwe, di swara mmino wa lerato,
Le megoo ya bo-mmutla le maeba mesong,
'Tau ga e rore, eupša ge e potla, digoba e lle, '
Efela yena o kgahla ka setu seo se nago le borutho.


Ge o di lebelela, o bona botse bjo bo sa bolelwego,
'Phiri ga e bolele ka mmutla pele e e ja, '
Ke yona tsela ya gagwe,
Go etiša tsebe pele ga polelo.


Ke ditsebe tše di kwago dikgopolo tše di sa bolelwago,
Di boloka diphiri tša malapa, tša lerato le bohloko.
Bjalo ka khudu, di ikgokaganya le lefatshe, ga di kitime.
Ke leihlo la pelo, ke mošate wa kwano.