Mola Nkabe Poem by Paris Thulare

Ka nnete ne ke ipoditše gore ke waka
Ka ikana ka thoma go kganya
Ruri go se tsebe ke kotsi
Lehono Ke ikgonere ke nnoši
Tša marato di ntletše dimpa
Ka tla ka la tšhipela ke go dita

E fufile nonyana ke swere diphekgo
O ile ke sa mo ngwaletše sereto
Ruri! ! ke tla bona ke le waga mang

Ba mo tšere masogana
Ke sa rekile matšobana
Ke rile go mmona pelo ya tšwa marwa
A namela sebaibai
A ntšhiya le mabadi

Mola nkabe ke tsibile,
Nkabe Ke bile komana-madula a bapile
Ka ithatela wa go hloka mathata
Ka itsomela senakangwedi saka sa go ikana

Mola nkabe lerato le le gona mabenkeleng
Ne ke tlo ithekela laka la go se fele
Ka dula ke tseba gore ago sello sa go nketela
Ka dula kele yo monana
Tšohle tša sepela ka thelelo