Maropeng... Boledi Poem by Kitso Mafora

Ke go gahlanyetša kamehla mogopolong waka,
Ke etla ka pelo e botse, ke etla go go botša ka tsela yeo ke go ratago ka gona.
Ke go kgopela tshwarelo,
Ka gobane ke a go hloka bophelong bjaka, Boledi ngwana mmala o sibilo,
O ikgethile bjalo ka dihlohlo.


Mpotše diphiri tša gago, ke tla di šireletša,
O mpotšiše dipotšišo tša gago, ke tla di araba ka potego,
Gore re bule kgoro ya lerato,
Re boele morago mo re thomilego gona,
Mo thabeng ya dika le ditoro tša rena.


Ga gona yo a itšego go tla ba bonolo,
Lerato ke tsela ya tshetlo le mefoka,
Efela mpušetše morago mo re thomilego gona,
Mo pelo e bego e itia kati ka lethabo.


Ke naganišišitše ka dipalo le dipontšho,
Ka di bula ke di sekaseka ka leihlo la lerato,
Ga di hlabe lešata bjalo ka pelo yaka,
Yeo e llelago godimo marung gomme e khunamela bophelo bjo re bego re bo aga mmogo.


Mpotše gore o a nthata, gomme ke tla go theetša ka pelo yaka kamoka,
Boa gomme o mpokele, bjalo ka pula ya kgwedi ye mpsha,
Re tšee modukuloga wa go boela,
Go seo re bego re le sona gape re ena le sona— diphiri tša lerato la kgale.


Ke maswabi Boledi, gomme go hlomola pelo gore re arogane,
Ka gobane tlhalo ke legotlo la moya,
Efela nna ke boela morago,
Mo re thomilego gona, ke go kgopela tshwarelo le kgopelo ya kwano.