Maa Ka Aanchal Poem by abhipsa panda

Kuch pal ke liye zindagi me,
bahaar sa chaaya tha.
Jab ye man gehri nind me,
tera aanchal odha tha.

Kaise beet gaye din,
mere zindagi bahaar ke.
Zindagi kare tauhin,
us bachpan aur maasumi karaar ke.

Bahaar zindagi ka nahin,
meri maa ka pyaar hai.
Chut na jaaye kahin,
mere dil ki ye pukaar hai.

Kaise beet gaye din,
jo sath bitaaye tere sang.
Ye zindagi tere bin,
hai koi kati patang.

Qn badal jaati hai raahen,
jab jhumne lagun tere sang.
Tadap uthti hain baahen,
karti teri yaaden tang.