Layag Han Sakayan(Siday) Poem by Judith Kempis

LAYAG HAN SAKAYAN(SIDAY)
JUDITH KEMPIS
Mayda usa nga sakayan ha ligid han labnasan
Ini guinkita hin usa nga Kapitan,
Iya guin panginano ug guin testingan
Waray magdadahom hiya mabubuligan
Mga mangirisda umopod ha kadagatan.

Samtang naglalayag an sakayan ha dagat
Mga mangirisda nagpapalagat-pagat,
Tungod kay damu an isda ha pukot
Dire natatamo pamingwit ngan pamurot
Napuno han isda an sakayan nga guti ngan halipot.

Waray mahisabti na an oras tikagab-I
Nagtitikaharayo na an ira biyahe,
Marisom na an langit sakayan layag la permi
Mamingaw na palibot waray iba na huni
Kundi an balod nasampak ha gilid ngan urhe.

Naabtan han delobyo an sakayan ha kalalawdan
Balod nga dagko, bagyo ngan uran,
Duro paningkamot han mangirisda ngan Kapitan
Burublig pagbugsay hira ngatanan,
Dire la malunod an sakayan ha kadagatan.

Pag-abot ha sinirangan sirak sumidlit
Napawhasan an kadam-an han ira pangarit,
Ha nawong han iba makikita an pag ngirit
Mayda liwat iba an kalipay pinirit
Pero an layag han sakayan padayon nga pahirit.

Ngatanan bumilib han ilob han sakayan
Tanan na kakurian ira naagi-an
An dig-on han porma ngan disenyo ini nakit-an
Bisan igka-in mailob ha anu paman
An abtik ha pagtimon ni kapitan dida nahisabtan.