Lalela Poem by Cebolenkosi P. Mkhize

Lalela

Ngalosiba ngizosiba ngephimbo ngizohaya.
Ngolukamageba ngizowaphimisa.
ngizohaye wena uzokulalela uqonde,
Uqonde uvulek'umgqondo,
amaqaphelo aqhaphele ukuze
uzowukhalima, umhlaba.

isifiso sami bekuwuhlanganisa ongwaqa
nonkamisa ngilumbanise, kuphume igama
elizokwembule ungwengwezi.
oselwakhanda inkungu emaqaphelweni
ukuze uqaphele uvule amaqaphelo.
Enyathukweni yakho ze'amabululu,
esakho isithende angasichobozi.

Kulomhlaba sisempini nezinyoka
ezingahumi ngesisu eziza zihleka
kuhle kwengcanga eza iveze elomhlathi
Kanti ithi siphundu kawu boni ngiyinjamina
Ngizokuluma ngisho ungiphakela.

zikumbambatha zikufake ubuthi zikwanga
zikuthembise izulu nomhlaba kanti sphundu
kawuboni zyahamba izinwele samsoni,
kulomhlaba siphila noDelile abazodayisa ngawe
ezitheni ngezindebe bathi uyisthadwa
kephi inhliziyo ibe isibasa isthando somlilo
azokuphoswa kuso Sthandwa.

sungalisondeza ithungo sengiyasenga
uze uliqaphela lapho ngisenga inkonyane
ingalikhahleli ithungo luchitheke ubisi
lungaka ngeni eguleni, enethungo
Kayisengelike ke phansi.

engizokukhipha Ngalezindebe
kungakwenza uyihlomule lendebe,
kwamhlaba sisemqhudelweneni.
Uqhude manikiniki nawe mnike isongo lakhe.
Vula amaqaphephelo mta'sekhaya uqaphela
kubamba ezingelayo sonke sifuna ukuvela.

Ngingakwendeli kwelamathongo
nanti ibele elinomsoco wamabele
akho angomuso, awuzitike ngoju lwempilo
oluzukunika amandla nomdladla ebudeni bendlela
ngoba uhambo luselude.

Ungezwa bathi izandla ziyagezana
lawo sekwaba umlolozelo 'owa mntwana'
awoqala ngokugeza esakho isandla anduba
ugeze ezabanye; kulomhlaba ikwavela ngomunye
kulomhlaba siphila emhlabeni wehlombe

uze ungaphenduki umshayi wehlombe
iba umshayelwahlombe, nasempumelweni
uze uqaphela ungaphumuli ngoba izitha ziyavuka
empumelelweni.
ze uzigezana uziqaphele ozigezayo
kungenzeka uzigeze qede zona lezo zikwendisele
kwelokhokho okanye uphenduke isitha
uze ube ngumtshingo ubethwa ngubani .
ngithe lalela.
Uze ungalibali yakhela ngamaqubu enye

Ungawashay'indiva lamazwi,
Uwathathe uwenze umgogodla wempilo,
Ngamagama ngizokuphilisa
Cebolenkosi P. Mkhize