Kap-Atan Ka Gutlo Poem by Hima chan

Sa di mapugngan
Nga pangurog sa akong mga kamot
Nahikaplagan tika
Nga nagahuwat.
Sa tunga-tunga sa bagyo
Kusog nga hangin
Ug sa nag-awas-awas
Nga uwan ug baha
Ako gi-agak mo.
Sa tumang kahilom
Nagpasing-uwan ka uban kanako
Sa kahilom
Imo ako giubanan
Samtang ako naninguha
Nga makalangoy.
Uwan
Init
Uwan
Init
Sa init ug uwan
Giduyogan mo ako.
Sa kap-atan ka gutlo
Nagpabilin ka
Uban kanako
Sa akong lalum nga kasubo.
Sa kap-atan ka gutlo
Sa pag-inusara
Giubanan ko nimo.
Wala ka man
Sa akong tupad karon
Pero sa kadtong kap-atan ka gutlo
Sa pikas bahin sa kalibutan
Ug sa sulod sa akong kasingkasing
ania ka.