Kanha Prem Poem by abhipsa panda

Grihasthi me bandhi magar,
dil me basaa aaj bhi mera shyam hai.
Tu radhe radhe bol Kanha,
phir bhi mera shringaar Krishna ke hi naam hai.

Tujhse milne ki aas me,
vyaakul mera man hai.
Tere prem ki har ras me,
khilta mera aangan hai.

Chhudaa na paya koi,
mujhe teri bandhan se.
Prayatna bhi kya kare koi,
haare teri dor se.

Yadi jhalak deke ojhal ho jaana,
tera jataaya hua pyaar hai.
To teri viraha me Kanha,
mujhe aansu bhi swikaar hai.