Justice Poem by Kingsley Egbukole

Wetin God condem for heaven
Our people them condem am for earth
Plus me too
Diafor, robber na robber anyhow ooo
If im carry gun rob, na robber
If na biro im use, na robber
If im wear mask go operation, na robber
If na smile im use for office, na robber im be
If na for night im act, na robber
If na korokoro day light, im na robber
If im use force, na robber
If na cunny, cunny way, na de same robber
If im rob and kill, na robber
If im no kill, na still robber im be
If na one person money im rob, na robber
If na public money, na robber too
If na big money, na robber
If na small money im rob, na robber
If na small man do am, na robber
If na big man nko, na robber
If we expose am o, na robber
If we cover am sef, na robber im be
If we shout am with big voice, na robber
If na small voice we use, na robber still

Diafor, weda or wedant
Robber na robber
Bicos wetin papa God condem for heaven
Our people them condem am for world
Plus me too
So make we no close one eye for judgment o!

(Wednesday 26th November,1997)