Isang Pulubi Poem by Grace Svensson

Bigla kong napagtuunan ng pansin
Isang matandang pulubi
Nakaupo sa semento
Na parang walang paki

Ano kaya ang dahilan
Bakit siya ay nagkaganyan
Mayroon ba siyang mga kamag-anak o anak man lamang?
Itsura niya ay nakakalungkot kung titingnan

Nagmahal din ba siyang minsan?
Nakakadama rin ba siya ng kalungkutan?
O kasiyahan man lang
Di ko magawang hindi isipin kanyang kalagayan

Paano Kaya siya nabubuhay
Sapat na ba ang ganyan?
Parang kay hirap naman
Kung ating pag-iisipan

Sa kabila ng lahat
Nawa ay masaya siya
At makahanap ng sapat
Na ikabubuhay nya.



Copyright © Grace Svensson
February 8,2018