Intezaar Baharon Ka Poem by Shrini Deewana

Zindagi to bas chal rahi hai rahon mein hi apni,
Hum bhi chale jaa rahe hai zindagi ke saath saath,
Na jaane kab hum pahunchenge manzil tak apni,
Darr raha hoon ke raaha na bhatak jaoon mein kahin.

Kabhi tanhayee saath deti hai to kabhi parchayee saath deti hai, Hamesha hi humsafar mere parchayee bankar saath deti hai, Yeh to mein bhi jaanta hoon ke zindagi ko guzar jaani hai ek din, Bas zindagi ke guzarne se pehale zindagi jeene ki chahat hai dil mein.

Zara pahuncha do mere humsafar ko ai khuda tum mujh tak, Mujhe apni dilruba ko apne gale se lagane ka ek mauka de do, Yunhi tanha jeevan guzaarna mushkil ho gayee hai ab to, Mere jeevan mein mere humsafar ke pyaar ka bahar la do.

Na jaane kab aayegi woh bahaar jiska intezaar hai mujhko, Na jaane kab aayegi woh lehar jo layegi dilruba ko mujh tak, Ai khuda mujhe koi shauk nahin hai itni jaldi tumse milne ki,
Apne dilbar se milne tak mujhe jeene ki izaazat tum de do.