Gugma Han Iroy judith Kempis Poem by Judith Kempis

Tikang han pagburod kita inakos
Siyam ka bulan ha tiyan guin-antos
Ngada han pag-anak kaul-ol waray kuntos
Ini tungod han gugma nga hul-os.

Ha aton pagkabata pagkaon hinungit
Pagkarigo ug pagbantay ha tanan mahigpit
Nababaraka ngan napipiraw labi na kun masakit
Ini tungod han gugma nga hingpit.

Dako an binag-uhan hit yana nga panahon
Kun aton kikita-on yana an mga batan-on
Ira guin-aatuhan, guinbabaton ug makuri sugton
Kay gudman Iroy tanan aantuson.

Ini in pira la han mga kaagi
Labi na gud hadton mga Iroy na babayi
Gugma pala nira dako nga bahandi
Ha kasingksing labaw gugma nga putli.