Gogyokha Poem by Swrji Basumatary

(1)
बियो फैदों
मैया दिनैबो
माखु सोंनायबादि
संगालियै
गोरोबोखौ गोरबोआव जोबथेनो।

(2)
बियो सेरजाखौ रिंहोबाय
गावनि गोमोन आखाइजों
दाहानि देंखो
बेनो जोबथा हुनाय
हाथरखिफोरनि गोसोखांथियाव।

(3)
उखुमब्रिया फैगौ
बै हाथरखि, सान
दै लुनो फैयो
मुलुगनो
जायनो नांगौ गोबां जोंथि।

(4)
जेब्लायबो अखा हागासिनो
साथाया आंखौ लोमा लोमा
आंनि सुहाबनाय आखाइ
आरो नोंनि गुस्ति
गुदुं आरो गोजान।

(5)
जोंख्लाबनाया सोलायो
मोदैनिनो मोदैफोर
दुद्रुबोयो
निजोम फैसालिनि उनाव
मोनानि लोगोफोर देरहासारो।

(6)
बिसोर बागुरुम मोसादों
जोबथा बिलाइफोर
नै बे लंथं बिफांनि
उदांनि अखा फैनो हासिगौ
आंनि साननायफोरखौबो सुस्रालां।

(7)
अन्जालि दाउफोर
फोथारजों बिरलाङो ज'यै
बेरे फुंजा खौवौनि देंखो
फागुनखौ लेंहरबाय
हाबासालियाव।