Go Tlogeng Gaka Poem by Paris Thulare

Go fedile ke mahlogonolo,
Go fedile ke kgeregela magodimong.
Ke namela tirone ke ya jesuralema,
Le gae le lefsa la go hloka mathata

Gare ga ditlaišego le matshwenyego,
Komelelo le lenyora,
Madimabe le mahlomola,
Ke di kwele go lekane.

Hle! bana bešu kgomotšegang,
Nako yaka lefaseng le, e fedile,
Le hlolegile go nthata ke sa phelegile,
Le nthlobogile mehleng yela ke lekganyoga.
Jwalo ya Modimo thato e phegile,

Se tshwegeng jwale ka mehleng.
Ipshineng le nyakaleleng,
Le hlaboše mantšu le opeleng.
Le sa nteleleng dillo tša lena di thlaba pelo

Le sa nhlobogeng ka lehloyo banthloi baka,
A le sa tlo garoga dibete.
Hle! ketekang bophelo baka,
ntle le pelaelo
Ga ele nna yena go lekhi lefase,
Tema ke ikgathile