Gandhi Teri Safai Poem by Deepak Manchanda of Delhi

Desh mein chal raha hai abhiyaan
Nikkal pade hain, bahumat mein
Harr rang, harr bhes ke andolanee
Gandhi teri ho rahi hai safai

Jhadd rahen hain jhoot ke jaale
Oodd rahi hai varshon purani dhool
Utth rahen hai faltu logon ke dhalao
Nikkal raha hai bhoola hua malba

Ho raha hai kuch climate ka change
Har taraf sajjaye ja rahen hain
Dharm ko lalkaarte patthar
Uthaye ja rahe hai jawani ke naare

Duniya bhar phailee kadwahat ke zor mein
Kaise milegi swacchta ki mitthass?
Aaney waali peedhiyon ko, Gandhi
Kaun dega asli safai?

Gandhi teri ho rahi hai safai.