Duli (Kosli Poem 171) Poem by Binapani Mahaling

Tukel dinar se kaanchi kudaa saange man bhulaa duli khel
Ban taraar bargach talen gaanr tukel heichhan mel.
Baandhi nele duli kunja lataa dalen bargachhar daahi baandhi
Laal-phagu-dhob phul phutichhe laha ke heichhe laha chhandi.
Duli jaauchhe aagke pachhke guden jaauchhe paain chhichhri
Dendu saanph saange baenri jhuri salbal hauchhan banhar paani
Surujar kiran nu jhalsi jaauchhe telpiaa much much jaani.
Upar ke galen dishuchhe banhar ara khandi paahaden mandirar dhajaa
Paahaad tale gaai daamur charuchhan chhel medhi maaruchhan majaa.
Usaten mor man naachuchhe paahaa chhigalen bargachhar daalen
Phirlaa belen darhen chirlauchhen talen padijimi kaalen.
Khil khil hei tukule hasuchhan garji jaauchhe kantaa
Dhad pad mor chhati hauchhe kaalen paani padi hemi hat hataa.
Laaguchhe muin raaj kumaari go sabe hauchhan mor poelie
Baari sarigalen muin go paeli aau kiae raaj kumari.