Baarabulaa (Kosli Poem 111) Poem by Binapani Mahaling

Sabekahesan mate baarabulaa dekhlen naak teksan
Phataa kapdaa maelaa sar sar helen kiae kapdaa te naain dian.
Ghar naain duaar naain khaaibaar laagin khaanaa naain hauchhen hat hataa
Maa naain buaa naain aahaa karbaar ke kiae naain saan sairtaa.
Kiae kahesi kukur mate kiae kahesi makad aau kiae kahesi anaath chhuaa
Bus tesan teren tesan keben ghar ta keben rod taraa aau dharam saalaa.
Naain jaani kaam kabaar naain jaani saar asaar kiae debaa butaa
Keben dhuisi kap pilet, kebe charaasi ge bhaens, ta keben buhisin bastaa.
Eishkool ke jaauthibaa chhuaa dekhi mankarsi muin bi path padhtin
Maa buaa mor thilen, ki ken saahaaraa thilen muin bi bad sapan dekhtin
Raait helen dar laagsi chhuaa chor utheinelen kaanaa karmi
Mate kiae bikinelen kiae mor saange jabardasti kalen kentaa karmi?
Keben keben muin chamki opadsin lukar dayaa bhaab dekhi
Pet bhari kiae khaaibaar ke delen man jaaisi laakhi.
Keben keben bhaabi usat laagsi aakash ede chhen dharti ede chataan
Saaraa purthi mor ghar barshaa mor gharni aau paban mor saang.