Baapaa (Kosli Poem 165) Poem by Binapani Mahaling

Aaij tumar kathaa mane paduchhe baapaa
Kentaa tume pilaa dine haat dhari chaali sikheithila
Tume raamar pitrubhakti aau bharatar bhatrubhakti
Krishnar dur drushti kathaa kaane kaane kahithila.
Tume niliaa aakashar mahanta aau
Dhartimaataar dhiraj saange bhet kareithila
Tume mate arjunar judhya sikhyaa aau
Karanar sangharshar kathaa bujheithila.
Tume kahi thila baapaa jhi puo nu kam nehise
Tume mate raani Lakshmi baai aau Mericuri kathaa kahithila
Tume mate samiaa saange chaalbaarta aau
Sabu paristhita na nijar kaam ke karbaar ta sikheithila.
Tume mor bhitren padhbaar eichha bharithila
Aau padhbaar laagin bahi bi tume deithila
Nijar laagin sidhhant nebaar tume sikheithilaa
Jeeban judh na ni haarbaar taa tume kahithila.
Manepaduchhe tume puraa gaan na lok hasa heithila
Mate bigyaan na college nan aa likhaabaar laagin
Sabe kahele jhi chhiaa aai kaain padhauchhu maastar
Baaki mate path padhaa laa kaahaarir kathaa nishuni.
Manepaduchhe dur sahar ke jaaithilaa
Mor bigyaanar form bharaabaar laagin
Hostel na chhaadi aailaa belen sikheithilaa
Eklaa eklaa kentaa jeeban jein bad munush hemi.
Tume mate shikheithilaa mor sidhant kentaa
Mor jeeban saphaltaa ke asar kaarbaa
Mor nijar atmasamman kentaa mor haaten bandha
Aau mor phaeselaa kentaa mor laagin duaar khulbaa.
Muin bahut kaandithilin baapaa tumku chhadi
Helen kahi thila tume sabubelen thiba mor saange
Jetebelen bi kathin samiaa aaibaa
Muin tamku manepakaami aau tume aaiba saange saange.
Jeebanar raastaa na eklaa eklaa bahuta aagke aaichhen
Tumar ashirbaad nu thik thik baaten aaichhen
Sapan ke dekhbaar sikheichha aau sapan ke saakaar karbaartaa
Lagi pagi kari tumar nu shikchhin
Aau aaij ei samiaana mor haat ke chhadinelaa baapaa
Dekha tumar sapanar kahani phul hei phutichhe
Jen chare ke denaa jhaarbaar taa sikheithila baapaa
Dekha se aaij aakaashen uduchhe.
Gute ghar gute gaan kaanaa baapaa puraa duniaa ke
Haalaabaar taakat taar mane ache
Tirish barash agonu jen bihan jageithila
Paain paban khat saar paai sebihan gachh hei thiaa heichhe.
Aaij tumar jhi tumke khujuchhe baapaa
Taar hansi khusi saphaltake baaintibaar laagin
Dukharbelen sabubelen thiaa heithilaa
Kaain haath chhaadidelaa sukhke saantibaar laagi.