Ating Buhay Poem by Grace Svensson

Ang buhay ay parang sasakyan na me gulong
Parang eroplano na di mo makulong
Kahit anong habol ito ay lilipas
Kahit anong pigil ay nagpupumiglas

Minsan sa ibaba, minsan sa ibabaw
Madalas ay hindi ka magkandaulayaw
Di makapag-isip at napapatanong
Saan nga ba ang buhay hahantong?

Minsan maligaya, minsan malungkot
Minsan nalilito at namamaluktot
Minsan napapasayaw, minsan di makagalaw
Na para bang paralisado ang buong layaw

Kung iyong iisipin bakit buhay ay di tuwid
Bakit may problema na walang patid
Ito marahil ay pagsubok lang sa atin
Kung paano natin mamahalin ang dati ng atin.



Copyright © Grace Svensson
December 12,2018