ଏତିକିବେଳେ At This Time Poem by Gajanan Mishra

ଏତିକିବେଳେ
ସତରେ
ମୋର ଇ ଆସିବାର ଥିଲା।

ଏତିକିବେଳେ
ମୁଁ ଇ ଥିଲି କେବଳ
ସାହସ ବାନ୍ଧି ଏଠି।

ଏତିକିବେଳେ
ଏକା ମୋର
ଶୁଣିବାର ଥିଲା
ତୁମର ସବୁ
ସତମିଛ କାହାଣୀ।

ଏତିକିବେଳେ
ମୋର ଇ
ପୁଣି କହିଦେବାର ଥିଲା
କିଏ ଅଛରେ ପ୍ରହରୀ
ଥାଅ ସେଠି ଜଗି
କିଏ ଯେମିତି
ନ ପଳାଏ କେଉଁଆଡେ।

ଏତିକିବେଳେ,
ଠିକ୍ ଏତିକିବେଳେ
ଗଲାବେଳେ ମୁଁ
ଦେଖାଉଥିଲ ତୁମେ
ପ୍ରକାର ପ୍ରକାର ଚିତ୍ର
ଯୋଉଥିରେ ନ ଥିଲା
ଆମ କାହାରି ହସ୍ତାକ୍ଷର।

ଏତିକିବେଳେ ଇ ଠିକ୍
ଆକାଶକୁ ପଚାରିବାର ଥିଲା।
କିନ୍ତୁ ହେଲା ନି କିଛି
କେତେବେଳେ ବି
କୋଉଠି ବି।