Asamajikta Poem by abhipsa panda

Mehez 16-17 saal me,
ladakpan chala tha humara.
Jawaani dastak di,
aur zindagi shuru humara.

Soche the asmaan ko chune ki,
udne ke bahaane se.
Chaahat bas itni thi,
ki kuch alag karenge zamaane se.

Samaaj ke darindon se,
paala na pada tha kabhi.
Aur sochte reh zindagi me,
hum jaise hi honge sabhi.

Mehsus kiya jab zindagi ko,
to khud se nafrat hoti hai.
Jaana jab is samaaj ko,
to apne hi sapno se shikayat hoti hai.

Bekhauf rehne ki ijaazat nahin,
chacha-mama kisi rishte ka maan nahin.
Kaisa samaj hai ye,
jahan asamajik ki jay aur samajik ka samman nahin.

Uljhan me hun aaj rishton ki hakikat se,
mareez ban ke jeeti hun samaaj ki zillaton se.
Kaise maana khamoshi ko majburi humaari,
hum to darte hain bache khuche rishton se.

Bagawat aur insaaf to humaari bhi chaah hai,
tamanna hai to bas apno ke sahaare ka.
Khule aam jeene ki humaari bhi chaah hai,
intezaar hai bas ek madad ke ishaare ka.