Aking Mahal Na Ama Poem by Grace Svensson

Mula pagkabata
Idolo kita
Ikaw ay matapang
At matatatag

Walang sinasanto
Walang inuurungan
Basta sa tama
Iyong paninindigan

Kami ay binuhay mo
Mula sa pawis at alikabok
Kami ay itinaguyod mo
Hanggang sa tuktok

Ngayon ikaw ay matanda na
Kumikilos dahan dahan na
Me kalabuan na ang mga mata
Pandinig minsan sumasablay pa

Minsan Kay sarap balikan
Nung ikaw ay malakas pa
Mga masasayang alaala
Hindi ko malilimutan

Ikaw ay aking aalalayan
Kahit anong oras
Kikitaing madalas
Upang ika'y bigyang kasiyahan

Mahal kong Ama
Nais kong magpasalamat
Sa iyong pag-aaruga
Ako ay pinalaki mo ng sapat

Sa nalalabi mong oras
Sa mundong ibabaw
Ikaw ay pakamamahalin
Hanggang sa wakas!


Copyright © Grace Svensson
January 31,2018