Aabaaj (Kosli Poem 87) Poem by Binapani Mahaling

Aare kaain helaa je suichhu
Uthaa aabaaj entaa uthaa ki
Ghidi ghidi lekhen garji jaau
Tor aabaaj samkirir kaane pahanchi jaau
Samkirir muhun baaten baahaari jaau
Band heithiba aatmaa bi khuli jaau
Maanti tupi heithibaa man bi kathaa kahu
Andhaaren haji jaathiba hurud bi geet gaau
Gaau chintaa chetanaar geet
Gaau swaadhinataar geet
Gaau nuaa ashaar geet
Gaau nuaa sapanar geet
Gaau ekataar geet
Gaau peremar geet
Aur gaau jeebanar sangeet.
Aare kaain helaa je suichhu
Uthaa aabaaj entaa uthaa ki
Maaijhi ke atyachaar karu thibaa lok darijaau
Tukel ke jabardasti karithibaa lok jein thaau thaaun marijaau
Chor chuhaad kar halaat dhilaa hei jaau
Aabhaaben phad phaduthibaa lok bi man bhari hansu
Ghar bhitren baandhi heithibaa bhuaasen bi manar kathaa kahu
Hatel na plet dhuthibaa chhot chhuaa bi paathaar geet gaau
Tor aabaaj samkiraar geet hei jaau
Gaau sikhyaar geet
Gaau gyaan bigyaanar geet
Gaau kraantir geet
Gaau saahitya satbhaabanaar geet
Gaau bhakti bedantaar geet
Gaau garbit eitihaasar geet
Gaau jaabanar sangeet.