चिनाखँः---जित यम्ह मयजु छ Poem by Tulsi Shrestha

चिनाखँः---जित यम्ह मयजु छ
पुन्हिया तिमिला थ्ये लोवंगु छंगु ख्वा
नगु थ्ये थिगु गो गो लागू व छंगु मिखा ।

जि खना मुसुक्क न्हिला, मन जिगु भखाय बोकल
यम्ह मयजुया पह खना, म्ह जिगु कुचु कुचु मिना वल ।

च्वामुगु न्हाययत लोयका ताहाचाः लागु ख्वा
चकंगु म्होसया दथ्वीइ ह्यागु सिन्ह, गुलि बाँला।

मृग नयनीया मिखा भाय जिं छु हे मसिल
भ्वासिचाया छंगु ल्यू ल्यू वय द अति मछिन ।

बाला बाला चिंगु, छंगु अज उलातगु व मिखा दुने
जिगु किपा खने धुन, छं मयो धायवं पत्या जुइगु गथे ।

अल तैतगु तुतियात लोयका वयागु कल्ली
जि आःला पिया च्वनागु छ वइगु व गल्ली ।

द मखं पहयाना जुया, सुला सुला द हे स्वइम्ह
आकझाक मिखा ल्वायव तुइगु ख्वा ह्याउकिम्ह ।

छंगु सौन्दर्य खना सिमा कचाय कचाय चुली जाल
म्हयखा प्याख ल्हुल, कोइली मतिनाया म्ये हाल ।

जोवन छंगु दासिवल याकचा च्वने मजिल
बाजं थायका कावल जिलाः लिवाके मजिल ।
च्वमिः--- तुल्सी श्रेष्ठ
@ Copyright Reserved