चिनाखँँ---म्हेम्हः छम्ह राजमति Poem by Tulsi Shrestha

चिनाखँँ---म्हेम्हः छम्ह राजमति
जि थहे सकुमी जुगुलिं, बन्दिपुरया नेवाः मैचा
सिबायं, लोवंक बाँला ताल सकुमीया म्हाय मचा ।

कोचिमी व थचिमी तय् गु अति न्हाइपुगु बस्ती
ठहिटी व क्बहिटी मदुसां, दु न्हे लं क्वय ल्होहिटी ।

हिसि दुम्ह व मयजु, सक्व देयया हे तिमिला व स्व
वइत खना, मतिनाया केबय् भवं जुया जिगु मन बोल ।

बाला बाला चिंगु मिखाय, कुलि कुलि चिंगु सय्
जिगु नुग गय तकेन, थनः न्हेवया च्वना स्व ।

मोहनीया नखः दशमीया न्हाइपुगु चहपह
माकुकः न्ह वगुलिं, दनागु तसंक लिबात न्हा ।

हथाय चा चा याकचा जुसां, गू देया तां थहा वना
महांका देया तां पुचायका, थाकुया घौ छि दिना बले ।

व्हारव्हार न्हिला, मुसु मुसु कागु वैश ज्वना
क्वाहाः वैच्वपिं मैचा तयगु छगू पुचः नापलात न्हा ।

छु जुल गय जुल धाय मफुत, इपिं मध्य छम्ह मयजुया
तुति चुलिया माहांका देया क्वस, जिगु न्हेने थसपात का ।

अहो! गपायच्वक बाँला, अप्सरा थे थसपाम्ह मैचालाः
ताहननीया राजमति हे खला धका मन जिगु दोमन जुल ।


मछामछां क्यातुगु वइगु ल्हा ज्वना, वैत तिजक थना
ताकेलाका मैचिगु नां छु थे धका न्हेस तया न्हा ।

छन्त छायमाल जिगु नां, जि राजमति धका लिस बिया
मयजु थगु न्याकुंचागु पला तिजक न्हाकावन न्हा ।

लिफ लिफ स्वया मुसु मुसु न्हिला, हिसिदुम्ह मैचा
मिखया भाषां छु छु धाल जि छुहे थुइके मफुत काः ।

वधाय थ्वधाय मफया हानं गोतुइस धका हायका बले
थसपासा थनिम्ह छ दु हे दुनि धका लिस बिल सो रे ।

लिस दुनेया भाव थुइवं, व न्याकुचाम्ह मैचाला
पासापिंन्त त्वोता मछाला याकचा ब्वावन का ।

जिगु नुगले मतिनाया स्वा ह्वोयका मैचा तना वन
वइत मालेत मन जिगु झंग जुया आकाशे बोल ।

अथे थथे धाय मफुत वइत न्हापन गन खनाथे च्वन
खुल्लान्हो वज्रजोगिनी देग यथाय ख लुमना वल ।

माकन गा च्व सावले खितितिति खितितिति न्होम्ह
मैचा ला स्व, वहे थसपाम्ह मयजु का लान च्वन्ह ।
चिनाख च्वमि ः--- तुल्सी श्रेष्ठ
मिखाया शल्य क्रिया लिपा च्वयागु न्हापंगु मा भाषां चिनाख ।

@Copyright Reserved