ଖରା ଚିଅଁଉଛେ? Poem by Nanda Kishore

ଘରୁ ଭଟାକେ ଟିକେ ବାହାରିଲେ,
ଫିରି ଆସୁଛେଁ ବଡା କଲବଲେ,
ଦିହିଁ ପୁଡି ଯାଉଛେ ଖରା ର ବଲେ,
ପାଏନ୍ ସୁଖି ଗଲାନା ନଇ ନାଲେ ।
ପୁତା, ଏବେ କେନ୍ତା ଲାଗୁଛେ?
ଖରା ଚିଅଁଉଛେ?

ଗଛପତର୍ ସବୁ ମାରି ଦେଲ,
ପଶୁପକ୍ଷୀ ତ ପୁଡେଇ ଖାଏଲ,
ଗାଡିମଟର୍ ସଭେ ତ ଚଢଲ,
ଆଗର କଥା କେ ନେଇ ଭାବ୍ ଲ ।
ପୁତା, ଏବେ କେନ୍ତା ଲାଗୁଛେ?
ଖରା ଚିଅଁଉଛେ?

ଚାଲ ଜଗାମା ଗଛପତର୍,
ହସିଉଠବା ଆମର୍ ଡଙ୍ଗର୍,
ଜଙ୍ଗଲ୍ ସବୁ ହେବେ ଅମର୍,
ଆଉ ନେଇ ରହେ ଖରାର୍ ଡର୍ ।
ପୁତା, ଆଗ୍ କେ କେନ୍ତା ଲାଗବା?
ଖରା ଆରୁ ନେଁଇ ଚିଆଁଏ, ବବା ।