※आं जेब्ला...सिरिमोनफिनो Poem by Swrji Basumatary

आं जेबोला नोंनि मुंखौ लायो
गोरबोयाव फैलासेम जायो दुंब्रुदयै
मोदै जिरियो दुंब्रुदयै
गोरबोखौ थाजिम मोनो
बाग्लायनाय जारिमिनफ्रा गोसो फैसालियाव
सावथुन महरै नुजाफैना गोमालांफिनो
जिमायनाय हाबिलासा गोदानै महर मोनना
फिन मुसिलांफिनो
मोननायनि गोथां सिमांफ्रा सोमखोर जाना
लंथं जालांफिनो
खुसिनि उदां मिनिनाया सिखांफिनना
फिन रानलांफिनो
रेगाल' सै बेफोर गोरबोयाव
नोंनि-आंनि बिसम्बि महरै
आं जेब्ला नोंनि मुंखौ लायो
फिन सिरिमोनखाङो बेफोर...