Activities of Kitso Mafora

Pelo ye mpsha e hlabile mokgoši phefong,
Ka ge ngwana e le tšhilo ya lapa,
Moya o a re hlalošetša, gore bophelo bo tšwela pele...
Ge e le Ramogolo yena, o fetogile Maitia-kati ge a thula pelo maroba!
...

Go swana le difihlolo tša la'nkhono bosele,
Ditsebe tša gagwe di betlilwe ka seatla sa gagwe se boleta.
Bona bare "Setšhaba se agwa ka kutu ya molomo",
Fela ge e le yena o theetša pel'araba,
...

Ke go gahlanyetša kamehla mogopolong waka,
Ke etla ka pelo e botse, ke etla go go botša ka tsela yeo ke go ratago ka gona.
Ke go kgopela tshwarelo,
Ka gobane ke a go hloka bophelong bjaka, Boledi ngwana mmala o sibilo,
...

Le dira gore sediba sa dihlogo putswa se seloge meetse a go toka mola dipelo tšona di dikeletše kgole di ile maroba' pelo,
Ka ge hlako tša Mogatusi-a-Mogatusi di wele makgolela, di wele mpherefere.

Ge e le Mosale-a-Banareng le Ngoke Yena Nkosana, ba šala ba itshwere diledu,
...

Hlakana-sono ya pelo le kgopolo ga e na leeto,
‘Thaba di tla inama ge di fišwa ke maikemišetšo'ago.
Dibetlwa di betlwa bathong wa papa…
Kgokgomothi ge e betla e betlela go ja.
...

Batswadi baka, Finkie le Fora, ke le thulela pelo maroba ka sereto sa lerato!
Le etilwe pele ke ditšhegofatšo tša yo Godimo-dimo.
Le ntlhamile ka diatla tša bopelo-telele,
La nthuša go lora, go ema ka maoto le go sepela…
...

Ka dinako tše dingwe, re ka fela re fegelwa goba re tlalelana ge re bona bana ba rena ba se na kgahlego mo mmolelong wa rena wa Sepedi. Ke therešo gore go ile gwa ba le tšhitišo e kgolo bakeng sa gore polelo ya rena, kudu kudu direto, e golofale ge go e tla tabeng ya go phatlalatšwa le go gola ga yona. Fela yeo ga se ya swanela go ba kgwekgwe ya taba.

Naa ba bina noko ba ga Mogoboya ga ba fele ba re: "Mmala wa kgomo o gola namaneng? " BoMashao wa Madiba a Letswalo la Mmatau Hlahla, bona ge ba ruma ditaba, naa ga ba re 'mo hlako ya tsogo e gatilego le ya koto e a gata? ' Gona se se ra gore thari e tshesane e ka se be yona feela yeo e itšhatšharelago ke moretlwa kganyeng ya go se bontšhe kgahlego tabeng ya go ithuta mmolelo, direto le setlogo sa bona sa Sepedi. Potšišo ke gore, bohlogo-tšhweu bona ya bona tema naa ba a e kgatha?
...

Mphatlalatšane, leitšibolo la masa,
O phadimiša mahlo nakong ya ge lefase le sa potuma,
O goa mogoo ka setu, o sa fele pelo—
O tliša kholofelo, o rulaganya mahube a meso.
...

Phuphu ma-maregan'a Tlhapeledi,
Lekgwa Mesong, magodimo a hlohlola semana sa lefsifsi.
Thaba tša Moletjie le Chuene di apere kobo ya maru-maso,
Thaba-mošate e homotše, e eme bjalo ka segakwana sa khutšo.
...

Lehu le ba tšere ka khutšo le seriti, ra šala re swere diphofa sello sa kgopolo,
"Le ge malapa a išitše mahlaku ka dithito, " ba ile ba tlogela lešaka le lebotse.
Ba be ba sepela ka maatla, ba kokobetše bjalo ka "letšoba mesong",
"Mokgoši wa tšwa mošate", ba latela ka boikokobetšo.
...